മുൻ കരുതൽ

എല്ലാറ്റിനും അയാൾക്ക് മുൻ കരുതൽ ഉണ്ടായിരുന്നു.                                                    ഒരു ദിവസം കുട്ടിക്ക് മുട്ടായി കൊടുത്തതിന്റെ പേരിൽ അയാൾ ഓളോട്  കച്ചറയുണ്ടാക്കി.    മുട്ടായി വിഴുങ്ങി അപകടമുണ്ടായാലോ?                                                                                             എന്നിട്ട് കുട്ടിക്ക് കൊടുക്കാൻ സാധാരണ മുട്ടായിക്ക് പകരം കൊള്ളി മുട്ടായി വരുത്തി ഓളെ ഏല്പിച്ചതിനു ശേഷം മാത്രേ ചങ്ങായി ഓഫീസിൽ പോയുള്ളൂ.                 ഹൃദ്രോഗത്തിൽ നിന്നും രക്ഷപ്പെടാനുള്ള മുൻ കരുതൽ എന്ന നിലയിൽ പൊരിച്ച മീൻ പോലും വാങ്ങാതെ ഉച്ചയൂണു കഴിച്ചുകൊണ്ടിരിക്കേ അയാളുടെ കൈ ഫോണിൽ ഒരു കോൾ വന്നു.അങ്ങേ തലക്കൽ നിന്നും ഓള്  പറഞ്ഞു:                                                                       “നിങ്ങളൊന്നിങ്ങോട്ട് വേഗം വാ മനുഷ്യാ.....ചെക്കൻ കൊള്ളി മുട്ടായി വിഴുങ്ങി”