തൊട്ടതിനും പിടിച്ചതിനുമെല്ലാം അമ്മയെ കുറ്റപ്പെടുത്തുന്ന അച്ഛനെയാണു കുട്ടിക്ക് പരിചയം.
ഒരു ദിവസം അച്ഛൻ അമ്മയോട് പിണങ്ങി എങ്ങോട്ടോ പോയി. അയാൾ മറ്റൊരു സ്ത്രീയോട് കൂട്ട് കൂടാൻ പോയതാണെന്നൊന്നും കുട്ടി അറിഞ്ഞില്ല. അച്ഛൻ പോയതിന്റെ പിറ്റേന്ന് കുട്ടി സ്ക്കൂളിൽ നിന്നും വരുമ്പോൾ, അവന് വഴിയോരത്തു നിന്നും,നോട്ടീ ബോയ് എന്ന പേരുള്ള ഒരു ഇംഗ്ലീഷ് കവിത കളഞ്ഞു കിട്ടി.
അമ്മ അവന് അതിന്റെ മലയാള വിവർത്തനം നടത്തിക്കൊടുത്തു.
ഇങ്ങനെ:
“ ഒരിടത്തൊരു വികൃതിക്കുട്ടിയുണ്ടായിരുന്നു
അവനൊരു വികൃതിക്കുട്ടിയായിരുന്നു.
ഒരി ദിവസം അവൻ ഇംഗ്ലണ്ടിൽ നിന്നും
ഓടിപ്പോയി…..
സ്കോട്ട് ലന്റിലേക്ക്!
അവൻ ഇംഗ്ലണ്ടിൽ കണ്ടതെല്ലാം
സ്കോട്ട് ലന്റിലും കാണുന്നു!
ഇംഗ്ലണ്ടിലില്ലാത്തതൊന്നും സ്കോട്ട് ലന്റിലില്ല
സ്കോട്ട് ലന്റിൽ ഇല്ലാത്തതു മാത്രമേ ഇംഗ്ലണ്ടിലും
ഇല്ലാതുള്ളൂ……..
അവൻ മടങ്ങി വന്നു ഇംഗ്ലണ്ടിലേക്ക് തന്നെ!! “
അമ്മ പറഞ്ഞു കൊടുത്തതൊന്നും കുട്ടിക്ക് തൃപ്തിയായില്ല. അച്ഛനുണ്ടായിരുന്നെങ്കിൽ എന്ന് അവൻ ആഗ്രഹിച്ചു.
പെട്ടെന്ന് വാതിൽ തുറന്ന് അച്ഛൻ അകത്തേക്ക് വന്നു. കുട്ടി ഓടിച്ചെന്ന് അച്ഛനോട് ചോദിച്ചു: അച്ഛാ അമ്മക്കൊന്നുമറിയില്ല. അച്ഛനൊന്ന് ഈ കവിതയുടെ അർത്ഥം പറഞ്ഞു തരുമോ?
അമ്മ പറഞ്ഞതാണു ശരി. അമ്മ പറഞ്ഞതാണു സത്യം. അയാളുടെ കണ്ണുകൾ നിറയുന്നുണ്ടെന്ന് കുട്ടിക്ക് മനസ്സിലായി. അച്ഛൻ അമ്മയുടെ കൈകൾ കൂട്ടിപ്പിടിക്കുന്നത് കണ്ട് അവൻ അമ്പരന്നു.
അവന്റെ മനസ്സിൽ ചിലത് മനസ്സിലാകാതെ അവശേഷിച്ചു: അച്ഛൻ കരഞ്ഞതെന്തിന്? അച്ഛൻ, അമ്മയെ അംഗീകരിച്ചതെന്തിന്?
കഥ നല്ലതായിരുന്നു..
ReplyDeleteപക്ഷെ ചിത്രത്തിൽ ചളിവെള്ളം കോരിക്കുടിച്ചതെന്തിനെന്ന് മനസ്സിലായില്ല…!
ഭാവുകങ്ങൾ നേരുന്നു.. തുടരുക…
സ്നേഹപൂർവ്വം
അവന് മനസ്സിയായില്ലെങ്കിലും എനിക്ക് മനസ്സിലായി.
ReplyDeleteവീട്ടിൽ കുടിച്ച അതേ വെള്ളമീ കാട്ടിലും.
ReplyDeleteഎല്ലാം ഒന്നുതന്നെ.
ReplyDeleteഉം ...എനിക്ക് എല്ലാം മനസിലാകുന്നുണ്ട് ഹും !!
ReplyDeleteസംഭവം കൊള്ളാം
ReplyDeleteപക്ഷെ കഥയും ചിത്രവും തമ്മില് ഉള്ള ബന്ധം
അവൻ ഇംഗ്ലണ്ടിൽ കണ്ടതെല്ലാം
ReplyDeleteസ്കോട്ട് ലന്റിലും കാണുന്നു!
ഇംഗ്ലണ്ടിലില്ലാത്തതൊന്നും സ്കോട്ട് ലന്റിലില്ല......
പക്ഷെ അത് മനസിലാവണമെങ്കിൽ സ്കോട്ട് ലന്റിൽ ഒന്ന് പോയി വരണ്ടേ?
ചിത്രത്തിന് 100 മാർക്ക്
everything is mathematics
ReplyDeleteഎല്ലാം കണക്കാണ് ...
(ആ ചിത്രത്തില് കാണുന്നതാണ് വിധു ചോപ്ര അല്ലെ)
കൊള്ളാം വിധു ഭായ് .......
ReplyDeleteഎല്ലാവർക്കും ഓരോ അടിപൊളി താങ്ക്സ്.
ReplyDelete*ചളിവെള്ളം കോരിക്കുടിച്ചതിന്റെ പൊരുളും, പൊരുളിനപ്പുറത്തെ ഇരുളും, വെളിച്ചവുമെല്ലാം അവിടെവിടെയൊക്കെയോ ഉണ്ട്.
*മിനി ടീച്ചറും, കലാ വല്ലഭനും പ്രായമുള്ളവരാണ്.
*അനാമിക ബീടെക്ക് കഴിഞ്ഞതല്ലേയുള്ളൂ. വൈകാതെ കാര്യം മനസ്സിലാകും.
*പക്ഷേ മാനവധ്വനിക്കെന്തു കൊണ്ട് പിടികിട്ടിയില്ലെന്നതാണെനിക്ക് പിടി കിട്ടാത്തത്.
*പ്രിയ മല്ലൂ,അത് വിധു ചോപ്ര തന്നെ.
* നന്ദി,വീണ്ടും വരിക.
ഇഷ്ടമായി കേട്ടോ. ഇതാണ് കാട്ടിലെ പ്രശ്നം, വെറും വെള്ളമേ കിട്ടു :).........സസ്നേഹം
ReplyDeleteഎനിക്കും മനസ്സിലായി എന്ന് തോന്നുന്നു.. മനസ്സിലായോ ആവോ?
ReplyDeleteകുട്ടിക്ക് ഒന്നും മനസ്സിലായില്ല.
ReplyDeleteപക്ഷേ ഈ കുട്ടിക്ക് കുറച്ചൊക്കെ മനസ്സിലായീട്ടോ.
നന്നായിട്ടുണ്ട്.
കുട്യായോണ്ട് എനിക്കും ഒന്നും മനസ്സിലായിട്ടില്ലേ...യ്..!
ReplyDeleteഎന്തായാലും ഒന്നു പറഞ്ഞേക്കാം..
വിധൂ..നീയീ ‘കാടുനെരങ്ങാതെ‘ വീട്ടിലേക്ക് തിരിച്ചു പോ..!
അവിടാകുമ്പം ‘നല്ല വെള്ളം‘ കുടിക്കാല്ലോ..!!
പുതുവത്സരാശംസകളോടെ...പുലരി
കൊള്ളാട്ടോ.... സില്ലി ബോയ്. ,!!! എല്ലാം മനസിലാവുന്നുണ്ട്
ReplyDelete:-)
കൊള്ളാട്ടോ. ഭാവുകങ്ങൾ നേരുന്നു
ReplyDeleteകുട്ടിക്കു കിട്ടിയത് അര്ത്ഥംകെട്ട കവിതയാണ്. കഥയുടെ പൊരുള് പെട്ടെന്ന് കണ്ടെടുത്തവരോട് പറയാനുള്ളത്:
ReplyDelete`ഭൂമി ഉരുണ്ടതാണ്. എങ്കിലും അളക്കാനാവാത്ത വിസ്തൃതി അതിനുണ്ട്.`
Now, let us revisit our schooldays and try to recollect these simple mathematical formuae.
(a + b)2 = a2 + 2ab + b2
(a − b)2 = a2 − 2ab + b2
Let us leave aside the infinitesimal calculus we learned in our advanced mathematics which is perhaps as cryptic as the individula human minds....
So we haven't got a reasonable answer to the boy's simple query.
കഥക്കൊരു ഇല്ലസ്ട്രേഷൻ കൊടുക്കാൻ ബ്ലോഗർ തന്നെ ഫോട്ടോവിനു പോസ് ചെയ്തത് ശരിതന്നെ. പക്ഷേ കഥയിലെ നായകൻ ബ്ലോഗറാണെന്ന് തോന്നിപ്പിക്കുന്ന വിധത്തിലാണ് കമന്റുകൾ വരുന്നത്. ബ്ലോഗ് വായിച്ചാലറിയാം ബ്ലോഗറുടെ കൈയിലിരിപ്പ് എന്നൊരാൾ അർത്ഥഗർഭമായി ഫോണുകയും ചെയ്തു. പോട്ടെ. ലവളിതറിയാനൊന്നും പോകുന്നില്ലല്ലോ.
ReplyDeleteഅല്ലാ.....ശരിക്കും സ്കോട്ട്ലാന്റിലെന്താ കണ്ടേ!
ReplyDeleteഅല്ലേല് വേണ്ട, ഇംഗ്ലണ്ടിലെന്താ കണ്ടേന്നെങ്കിലും.......!! :(
ഉപ്പ് തിന്ന അച്ഛന് വെള്ളം കോരി കുടിംക്കുംന്നൊ മറ്റൊ എബ്ട്യോ വായിച്ചാര്ന്ന്. ആ...കുടി കുടി ;)
പുതുവത്സരാശംസോള് ചോപ്രാജി.
വെള്ളം കണ്ടപ്പോള് ദാഹം തോന്നി കുടിച്ചപ്പോള് ചളിവെള്ളമാണെന്നു മനസ്സിലായി.പിള്ളാര്ക്ക് നാട്ടാര് പറഞ്ഞു കൊടുക്കുന്നതിനു മുന്പ് തന്നെ നല്ല വെള്ളം കുടിക്കാന് വീണ്ടും തിരിച്ചു വരികയും ചെയ്തു.ആരാണ് ചെയ്തതെന്ന് മനസ്സിലാക്കിത്തരാന് സ്വയം തന്നെ പോസ് ചെയ്യുകയും ............
ReplyDeleteഇനി ആര്ക്കു എന്താ മനസ്സിലാക്കാനുള്ളത്?
ആവോ?ഇനി കൂടുതലെന്തെന്കിലും ഉണ്ടെങ്കില് എഴുത്തുകാരന് സ്കോട്ട്ലാന്റിലും ഇംഗ്ലണ്ടിലും പോയി ചെയ്ത കാര്യങ്ങളുടെ ഫോട്ടോ കൂടി പോസ്റ് സംശയം തീര്ക്കുമായിരിക്കും ല്ലേ?
ഊം. തീർത്തു തരുന്നുണ്ട്.
ReplyDeleteഎനിക്ക് ചിലതൊക്കെ മനസിലായി.
ReplyDeleteഇംഗ്ലണ്ടുകാരന് സ്കോട്ട്ലണ്ട് എന്ന് വച്ചാല് നമ്മള് നാടന് സായിപ്പന്മാരുടെ ഭാഷയില് കാട് എന്നാണെന്നും,
ചില ഇടയ്ക്കിടെ കാട് കയറാന് പോകുന്നത് ഇതില് പറഞ്ഞതുപോലെ വേറെ ആരോടൊക്കെയോ കൂട്ടുകൂടാനാണെന്നും,
അതുകഴിഞ്ഞപ്പോള് ചെളിവെള്ളം കുടിച്ചപോലെ തോന്നിയെന്നും,
തിരികെ വീട്ടിലെത്തി ഭാര്യയുടെ കൈകള് കൂട്ടിപ്പിടിച്ചപ്പോള് കണ്ണ് നിറഞ്ഞെന്നും,
അതുകണ്ട് മകന് അമ്പരന്നെന്നും,
ഒടുവില് അതുമിതും മറ്റെതുമെല്ലാം ഒന്നുപോലാണെന്ന ബോധോദയം ഉണ്ടായെന്നും....
(ഞാന് ഓടി....)
പാരയായല്ലോ എന്റെ തമ്പുരാനേ. പെടാൻ പെട്ടു. ഇനിയിപ്പം എന്താ ചെയ്യുക!?
Deleteഇന്നത്തെക്കാലത്ത് ജനങ്ങൾക്കെല്ലാം വയറു നിറച്ചും പുത്തിയാ. മിണ്ടാൻ വയ്യാന്നായിട്ടുണ്ട്.
ReplyDeleteഎല്ലാം എല്ലായിടത്തുമുണ്ട് അല്ലേ? കൊള്ളാം.
ReplyDeleteപിന്നില്ലാതെ.........:))
Deleteഇത് നമ്മടെ പാവം ബ്ലൊഗ്ഗറുടെ(വിധു ചോപ്ര) കഥയാണെന്ന് തെറ്റിദ്ധരിച്ചാൽ, അവരെ ഓർത്ത് എനിക്ക് സങ്കടം തോന്നുന്നു. നല്ല അവതരണം, നല്ല ആഖ്യാനരീതി. അവസാനം അച്ഛൻ പോയി ഇടപ്പെട്ട പെണ്ണുങ്ങളുടെ അടുത്ത് നിന്നെല്ലാം അമ്മയുടെ അടുത്ത് നിന്ന് കിട്ടിയ സുഖങ്ങൾ തന്നേ കിട്ടിയുള്ളൂ. മറ്റു പെണ്ണുങ്ങളുടെ അടുത്തുള്ളതെല്ലാം അമ്മയുടെ അടുത്തുണ്ട്,അമ്മയുടെ അടുത്തില്ലാത്തത് അവരുടെയടുത്തൊന്നുമില്ല. ആശംസകൾ, കാരണം ഇത് അനുഭവകഥയാണെന്ന ഒരു തോന്നൽ വായനക്കാരിൽ ഉളവാക്കാൻ നിങ്ങൾക്ക് സാധിച്ചല്ലോ ? അതൊരു വന്വിജയമാണ്.
ReplyDeleteഇതാ മഹാഭാരതത്തിലും പറഞ്ഞത്
ReplyDelete"യദിഹാസ്തി തദന്യത്ര
യന്നേഹാസ്തി ന തത് ക്വചിത്"
ഹ ഹ ഹ :)
കൊള്ളാം...വായയിലൂടെ മൂത്രമൊഴിക്കുന്ന ആളെ ആദ്യമായാ കാണുന്നത്!
ReplyDeleteഅരീക്കോടൻ മാഷെ രണ്ടാമതും പോയി പടം നോക്കി ഹ ഹ ഹ :) ശരിയാ
ReplyDeleteസൂപ്പെര്ബ്.. :) :)
ReplyDeleteഫോട്ടോയിലെ ആ കുടിയന് ചോപ്രസാബല്ലേ?
പുതുവത്സരാശംസകള് ട്ടാ :)
കഥ നന്നായിരിക്കുന്നു..
ReplyDeleteഭാവുകങ്ങള്
ഹാവൂ.... എന്റെ നല്ലച്ഛോ...!!!!!!
ReplyDeleteഒന്നൊന്നര എഴുത്ത്. വളരെ..... ഇഷ്ടായി. ക്രാഫ്റ്റിന്റെ പൂര്ണ്ണത എടുത്തു പറയണം.
ReplyDeleteചെറുതായാലും ഏലക്ക, അത്രയ്ക്ക് സുഗന്ധം!!!!!!
സാധാരണ ഒരു കഥ ഇത്ര നന്നാവാന് കാരണം അതിലെ ആത്മകഥാശം മൂലമാണ്. അതിനി നിഷേധിച്ചട്ട് കാര്യമുണ്ടാവും എന്ന് തോന്നുന്നില്ല :)
ReplyDeleteസ്കോട്ട്ലണ്ടിനടുത്ത് വേറെയും ഉണ്ടല്ലോ കൊറേ രാജ്യങ്ങള്, തിരിച്ചു പോയിട്ടെന്തായാലും പുതിയതൊന്നും കിട്ടാന് പോണില്ല.
നിഷേധിക്കണ്ട. പക്ഷേ ഞാനെന്തിന് ഈ ആരോപണം ഏറ്റെടുക്കണം? ജന്മകാലം ഞാനിനി ഈ ടൈപ്പ് കഥ എഴുതില്ല. ഇത് സത്യം സത്യം സത്യം
Delete