മാനികളുടെ സ്വാതന്ത്ര്യം

ഒരാളെ കൊന്നതിനാണവൾ ജയിലിൽ കുടുങ്ങിയത്.

കാരാഗൃഹത്തിനകത്ത്, സ്വാതന്ത്ര്യ ദിനത്തിൽ ലഭിച്ച 

ലഡു തിന്നുകൊണ്ട് അവൾ, 

ആറാൾ പൊക്കത്തിലുള്ള ചുറ്റുമതിലിലേക്ക് കണ്ണുപായിച്ചു.

ആ മതിലിനപ്പുറം തന്നെ മാന്തിപ്പൊളിക്കാൻ ശ്രമിച്ചവരിൽ 

ഒരാളൊഴികെ എല്ലാവരും സ്വതന്ത്രരാണ്.

അവൾ നെടുവീർപ്പിന്റെ മേമ്പൊടി ചേർത്ത 

ഒരു ചിന്ത പണിഞ്ഞു:

അസ്വതന്ത്രയെങ്കിലും എത്ര സുരക്ഷിതമാണീ പാരതന്ത്ര്യം